ངོ་སྤྲོད།

Tibetan English Tibetan English ཕྱི་ལོ་ ༡༩༤༨ ནས་བཟུང་རྒྱ་ནག་དམར་པོའི་དཔུང་དམག་གིས་བོད་ཀྱི་ས་སྡེ་རིམ་ཟོས་ཀྱིས། ༡༩༥༡ ལོར་དྲག་དཔུང་གི་བཙན་ཤེད་འོག་གྲོས་མཐུན་དོན་ཚན་བཅུ་བདུན་ཟེར་བ་འཇོག་དགོས་བྱུང་སྟེ། ལོ་ངོ་བརྒྱད་ཙམ་རིང་བོད་རྒྱ་མཉམ་གནས་ཡོང་ཐབས་མཛད་ཀྱང་། རྒྱ་གཞུང་དབང་འཛིན་པས་གྲོས་མཐུན་གྱི་དོན་ཚན་ཁག་ལ་རྩིས་མེད་དང་། བོད་མིར་དྲག་གནོན། ཆོས་རིག་རྩ་གཏོར་གྱི་སྲིད་ཇུས་འབའ་ཞིག་ལག་བསྟར་བྱས་པ་མ་ཟད། ཐ་ན་ྋགོང་ས་ྋསྐྱབས་མགོན་ཆེན་པོ་མཆོག་གི་སྐུ་ཕྱྭར་ངན་བསྡོའི་གྲབས་གཤོམ་མངོན་སུམ་དུ་བྱས་སྟབས། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་གང་གི་ཕེབས་རྗེས་བསྙེགས་པའི་བོད་མི་ཁྲི་བརྒྱད་ཙམ་རྒྱ་བལ་འབྲུག་གསུམ་ནང་བཙན་བྱོལ་དུ་མི་ཕེབས་ཀ་མེད་བྱུང་ཡོད། རང་ཡུལ་བཙན་འཕྲོག་གིས་འཚོ་གནས་ཀྱི་དཀའ་ཚེགས་སྣེ་འཛིང་བའི་སྐྱབས་བཅོལ་བའི་ཁོར་ཡུག་དེ་ལྟ་བུའི་ནང་དུའང་། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཐུགས་བཞེད་སྔོན་ཡོད་ལྟར། བཙན་བྱོལ་བོད་མིའི་ཆབ་སྲིད་དམངས་གཙོ་ཅན་དུ་བསྒྱུར་རྒྱུར་འཕྲལ་མྱུར་ཕྱག་བཞེས་བསྐྱངས་ཡོད། ཕྱི་ལོ་ ༡༩༦༠ ཟླ་ ༢ ནང་། བཙན་བྱོལ་བོད་མི་རྣམས་ཐེངས་དང་པོར་རྡོ་རྗེ་གདན་དུ་ཚོགས་འཛོམས་སྐབས། ༸གོང་ས་མཆོག་གིས། “བོད་ནང་རང་རེ་སྔ་མའི་གནས་སྟངས་དེ་དག་དང་མ་འདྲ་བའི་ཆོས་སྲིད་གཉིས་ལྡན་གྱི་དམངས་གཙོའི་གཞུང་ཞིག་འཛུགས་རྒྱུ་དེ་ཧ་ཅང་གལ་ཆེན་པོ་ཡིན་པར་བརྟེན། མི་དམངས་ཀྱི་ཚབ་བྱེད་ཐུབ་མཁན་དང༌། རྒྱ་ཆེའི་མང་ཚོགས་ཀྱིས་འོས་བསྡུའི་ལམ་ནས་བསྐོ་གཞག་བྱས་པའི་མི་དམངས་འཐུས་མིའི་ཚོགས་འདུ་ཞིག་དགོས་ཀྱི་རེད། ཁྱེད་རང་ཚོ་ཕར་ལོག་རྗེས་མང་ཚོགས་ཁྲོད་ནས་ཤེས་ཡོན་ཡོད་པ་དང༌། འཇོན་ཐང་ཡོད་པ། རྒྱལ་ཞེན་ལྷག་བསམ་ལྡན་པ། མང་ཚོགས་ཀྱིས་ཡིད་ཆེས་འཕེར་བའི་མི་འགྲོ་མིང་འདོན་བྱེད་དགོས། གནས་སྐབས་རིང་ཆོས་བརྒྱུད་ཆེན་པོ་བཞི་ནས་འཐུས་མི་རེ་དང༌། ཆོལ་ཁ་གསུམ་ནས་འཐུས་མི་གསུམ་རེ་འདེམས་དགོས་”ཞེས་བཀའ་སློབ་བསྩལ་དོན་ལྟར། རང་ཁུངས་སོ་སོ་ནས་སྤྱི་འཐུས་སེར་སྐྱ་མི་གྲངས་བཅུ་གསུམ་འོས་འདེམས་ཞུས་ཏེ། ༡༩༦༠ ཟླ་ ༩ ཚེས་ ༢ ཉིན་སྐབས་དང་པོའི་བོད་མི་མང་སྤྱི་འཐུས་ལྷན་ཚོགས་དབུ་བརྙེས། ཕྱི་ལོ་ ༡༩༦༡ ལོའི་ཟླ༌ ༡༠ ཚེས་ ༡༠ ཉིན། མ་འོངས་བོད་ཀྱི་རྩ་ཁྲིམས་སྙིང་དོན་འགྲེམས་སྤེལ་དང་། ཕྱི་ལོ་ ༡༩༦༣ ཟླ༌ ༣ ཚེས་ ༡༠ […]

Read More

ཁྲིམས་ཁོངས་ཁྱབ་ཚད།

ས་གནས་ཁྲིམས་ཞིབ་ཁང་ལ་ཐོག་མའི་གཏུག་བཤེར་གྱི་ཁྲིམས་ཁོངས་ཁྱབ་ཚད། ༡ བཙན་བྱོལ་བོད་མིའི་བཅའ་ཁྲིམས་དང༌། ཁྲིམས་ཡིག ཆབ་སྲིད་དབང་འཛིན་གྱི་བཀའ། སྒྲིག་གཞི་བཅས་གང་རུང་གི་ཚིག་དོན་འགྲེལ་བརྗོད་བྱེད་ཕྱོགས་དང་འབྲེལ་བའི་རྩོད་གླེང༌། ༢ བཙན་བྱོལ་བོད་མིའི་བཅའ་ཁྲིམས་དགོངས་དོན་བོད་ཀྱི་ཡུལ་མིའི་གཞི་རྩའི་ཐོབ་ཐང་དང༌། ལས་འགན་ལ་གནོད་འགལ་དང་འབྲེལ་བའི་རྩོད་གླེང༌། ༣ བོད་མིའི་སྒྲིག་འཛུགས་མ་ལག་གི་ལས་བྱེད་པ་ཁག་གི་ཁེ་ཕན་རྗེས་འབྲེལ་གྱི་རྩོད་གླེང༌། ༤ བོད་མིའི་སྒྲིག་འཛུགས་མ་ལག་གང་རུང་དང༌། དེ་དག་གི་ལས་བྱེད་པ་ཆེ་ཕྲའི་གཞུང་འབྲེལ་ལས་དོན་བྱེད་ཕྱོགས་དང་འབྲེལ་བའི་རྩོད་གླེང༌། ༥ བོད་མིའི་སྒྲིག་འཛུགས་མ་ལག་གང་རུང་ནས་གོ་སྒྲིག་བྱས་པའི་སྡོད་སྒར་ཁག་གི་ས་ཁང་སྐོར་གྱི་རྩོད་གླེང༌། ༦ བོད་མི་སྒེར་ཕན་ཚུན་དབར་གྱི་རྩོད་གླེང༌། ༧ བོད་མི་སྤྱི་སྒེར་དབར་གྱི་རྩོད་གླེང༌། ༨ བོད་མིའི་སྤྱི་ཚོགས་བདེ་འཇགས་དང་འབྲེལ་བའི་རྩོད་གླེང༌། ༩ གཞན་ཡང་བོད་མིའི་ཁྲིམས་ཡིག་ཁག་ནང་གསལ་ཁ་མེད་པ་དང༌། བཙན་བྱོལ་དུ་གནས་ཡུལ་རྒྱལ་ཁབ་གང་དེའི་ཁྲིམས་དབང་ཐོག་ནས་ཁས་ལེན་ཡོད་པའམ་དགག་ཆ་མེད་པའི་རིགས། དོན་ཚན་ ༡ ནས་ ༤ པ་བར་གྱི་རྩོད་གླེང་རྣམས་ཐོག་མའི་གཏུག་བཤེར་གྱི་ཁྲིམས་ཁོངས་ཁྱབ་ཚད་སྐོར་སྐྱོད་ཁྲིམས་ཞིབ་ཁང་དང་ཆེས་མཐོའི་ཁྲིམས་ཞིབ་ཁང་ལའང་ཡོད་མོད། དགོས་གལ་ཆེ་བའི་དམིགས་བསལ་རྒྱུ་མཚན་ཡོད་ན་མ་གཏོགས་ཐོག་མའི་གཏུག་བཤེར་ས་གནས་ཁྲིམས་ཞིབ་ཁང་དུ་བྱ་རྒྱུ་གཙོ་འདོན་བྱེད་དགོས་པ་དང༌། དགོས་གལ་ཆེ་བའི་དམིགས་བསལ་རྒྱུ་མཚན་ཡོད་མེད་འབྲེལ་ཡོད་སྐོར་སྐྱོད་ཁྲིམས་ཞིབ་ཁང་ངམ་ཆེས་མཐོའི་ཁྲིམས་ཞིབ་ཁང་ནས་ཐག་གཅོད་བྱེད་ཆོག ཆེས་མཐོའི་ཁྲིམས་ཞིབ་ཁང་ཁོ་ནར་ཡོད་པའི་ཐོག་མའི་གཏུག་བཤེར་གྱི་ཁྲིམས་ཁོངས་ཁྱབ་ཚད། ༡) འོས་བསྡུའི་ལས་དོན་དང་འབྲེལ་བའི་རྩོད་རྙོག་གང་ཞིག་ལ་དབུས་འོས་བསྡུ་ལས་ཁང་ནས་ཐག་གཅོད་བྱས་པར་མོས་མཐུན་མ་བྱུང་བའི་རིགས། ༢) བོད་མིའི་སྒྲིག་འཛུགས་དང༌། བོད་མིའི་གནས་ཡུལ་ས་གནས་སྒྲིག་འཛུགས་གཅིག་གམ་དེ་ལས་མང་བའི་དབར་གྱི་རྩོད་གླེང༌། ༣) བོད་མིའི་གནས་ཡུལ་ས་གནས་སྒྲིག་འཛུགས་གཉིས་སམ། དེ་ལས་མང་བའི་དབར་གྱི་རྩོད་གླེང༌། ཅ) ཆེས་མཐོའི་ཁྲིམས་ཞིབ་ཁང་གི་གྲུབ་ཆ། ༡) ཆེས་མཐོའི་ཁྲིམས་ཞིབ་ཁང་ལ་ཁྲིམས་ཞིབ་པ་ཆེ་བ་གཅིག་དང༌། སྤྱི་འཐུས་ལྷན་ཚོགས་ནས་ཁྲིམས་ཞིབ་པའི་གྲངས་སྤར་དགོས་པའི་ཁྲིམས་ལུགས་མ་བཟོས་བར་ཁྲིམས་ཞིབ་པ་གཞན་གཉིས་བཅས་དགོས་པ་ཡིན། ༢) ཆེས་མཐོའི་ཁྲིམས་ཞིབ་ཁང་དུ་ཚོགས་མི་གསུམ་ལས་མི་མང་བའི་བཤེར་དཔང་ལྷན་ཚོགས་ཤིག་དགོས་གལ་བྱུང་ན་འཛུགས་ཆོག་པ་ཡིན། ༣) གྱོད་གཞི་གལ་ཆེའི་རིགས་ཀྱི་ཁྲིམས་ཞིབ་ལ་དགོས་གལ་ནམ་བྱུང་མཚམས་གྱོད་གཞིའི་གནད་དོན་ལ་ཉམས་མྱོང་ཡོད་པའི་གཟུ་དཔང་ཚོགས་མི་གྲངས་དགུ་ལས་མ་བརྒལ་བ་ཞིག་བཤེར་དཔང་ཡོད་མེད་ལ་མ་ལྟོས་པར་བསྐོ་གཞག་བྱེད་ཆོག་པ་ཡིན།

Read More

གྲུབ་ཆ།

ཆེས་མཐོའི་ཁྲིམས་ཞིབ་ཁང་གི་གྲུབ་ཆ། ༡) ཆེས་མཐོའི་ཁྲིམས་ཞིབ་ཁང་ལ་ཁྲིམས་ཞིབ་པ་ཆེ་བ་གཅིག་དང༌། སྤྱི་འཐུས་ལྷན་ཚོགས་ནས་ཁྲིམས་ཞིབ་པའི་གྲངས་སྤར་དགོས་པའི་ཁྲིམས་ལུགས་མ་བཟོས་བར་ཁྲིམས་ཞིབ་པ་གཞན་གཉིས་བཅས་དགོས་པ་ཡིན། ༢) ཆེས་མཐོའི་ཁྲིམས་ཞིབ་ཁང་དུ་ཚོགས་མི་གསུམ་ལས་མི་མང་བའི་བཤེར་དཔང་ལྷན་ཚོགས་ཤིག་དགོས་གལ་བྱུང་ན་འཛུགས་ཆོག་པ་ཡིན། ༣) གྱོད་གཞི་གལ་ཆེའི་རིགས་ཀྱི་ཁྲིམས་ཞིབ་ལ་དགོས་གལ་ནམ་བྱུང་མཚམས་གྱོད་གཞིའི་གནད་དོན་ལ་ཉམས་མྱོང་ཡོད་པའི་གཟུ་དཔང་ཚོགས་མི་གྲངས་དགུ་ལས་མ་བརྒལ་བ་ཞིག་བཤེར་དཔང་ཡོད་མེད་ལ་མ་ལྟོས་པར་བསྐོ་གཞག་བྱེད་ཆོག་པ་ཡིན།

Read More

ཁྲིམས་ཞིབ་ཁང་འོག་མ།

ཆེས་མཐོའི་ཁྲིམས་ཞིབ་ཁང་གི་གཤམ་འོག་ཏུ་ས་གནས་ཁྲིམས་ཞིབ་ཁང་དང༌། སྐོར་སྐྱོད་ཁྲིམས་ཞིབ་ཁང༌བཅས་ཁྲིམས་ཞིབ་ཁང་རིམ་པ་གཉིས་ཡོད། ས་གནས་ཁྲིམས་ཞིབ་ཁང་། ས་གནས་ཁྲིམས་ཞིབ་ཁང་གི་ཁྲིམས་ཁོངས་ཁྱབ་ཚད། ས་གནས་ཁྲིམས་ཞིབ་པ། ས་གནས་ཁྲིམས་ཞིབ་ཁང་གི་ད་ལྟའི་གནས་སྟངས། སྐོར་སྐྱོད་ཁྲིམས་ཞིབ་ཁང་། སྐོར་སྐྱོད་ཁྲིམས་ཞིབ་ཁང་གི་ཁྲིམས་ཁོངས་ཁྱབ་ཚད། སྐོར་སྐྱོད་ཁྲིམས་ཞིབ་པ། ས་གནས་ཁྲིམས་ཞིབ་ཁང་། ༡) ས་གནས་ཁྲིམས་ཞིབ་ཁང་གསར་འཛུགས་བྱ་ཡུལ་ས་དམིགས་དེ་དག་རེ་རེར་ས་གནས་ཁྲིམས་ཞིབ་ཁང་རེ་འཛུགས་དགོས་སམ། ས་གནས་གཅིག་ལས་མང་བའི་ཚོ་ཁག་རེར་ས་གནས་ཁྲིམས་ཞིབ་ཁང་གཅིག་རེས་འཐུས་པ་བྱ་རྒྱུ། ཡང་ན་ས་གནས་གཅིག་གི་ཁྱབ་ཚད་ལ་སྣོན་འཕྲི་བྱ་རྒྱུ། ས་གནས་ཁྲིམས་ཞིབ་ཁང་གཏན་འཇགས་སམ་འཕྲལ་སེལ་འཛུགས་མ་དགོས་པ་བཅས་གང་རུང་ས་གནས་གང་དེའི་ལས་འབོར་ཆེ་ཆུང་དང༌། སྟབས་བདེ་ལོད། དགོས་མཁོ་ཆེ་ཆུང་ལ་བལྟོས་ཏེ་ཆེས་མཐོའི་ཁྲིམས་ཞིབ་ཁང་ནས་སྐབས་བསྟུན་གྱིས་ཇི་དགོས་ཐག་གཅོད་བྱེད་ཆོག་པ་ཡིན། ༢) ས་གནས་གཞན་དག་ཅིག་གི་ས་གནས་ཁྲིམས་ཞིབ་ཁང་དུ་ཁྲིམས་ཞིབ་པ་ཞིག་དགོས་གལ་ཁ་ཚ་དགོས་གཏུགས་ཆགས་ཚེ་ཆེས་མཐོའི་ཁྲིམས་ཞིབ་ཁང་ནས་ས་གནས་སམ། ས་གནས་ཚོ་ཁག་ཅིག་གི་ཁྲིམས་ཞིབ་པ་ཞིག་ས་གནས་གཞན་པ་དེར་ལས་ཁུར་ཞུ་རྒྱུར་འཕྲལ་སེལ་བསྐོ་གཞག་གམ། བསྐོ་མངགས་བྱེད་ཆོག་པ་ཡིན། ༣) ས་གནས་ཁྲིམས་ཞིབ་ཁང་སོ་སོར་གྱོད་གཞིའི་གཞི་རྒྱར་བསྟུན་ནས་དགོས་གལ་ཆེ་ཆགས་སྐབས་དུས་ཚོད་ངེས་ཅན་རིང་ཁྲིམས་སམ། སྤྱི་ཚོགས། གྱོད་གཞི་བཅས་གང་རུང་གི་འགྲོ་ལུགས་ཐོག་ཤེས་མྱོང་ཅན་གྱི་བཤེར་དཔང་གྲངས་མང་ཚད་གསུམ་ལས་མ་བརྒལ་བ་ཞིག་ཆེས་མཐོའི་ཁྲིམས་ཞིབ་ཁང་ནས་སྐབས་བསྟུན་བསྐོ་གཞག་ཆོག་རྒྱུ། ༤) ས་གནས་ཁྲིམས་ཞིབ་ཁང་སོ་སོར་གྱོད་གཞི་གལ་ཆེའི་རིགས་ཀྱི་ཁྲིམས་ཞིབ་ལ་དགོས་གལ་མཆིས་མཚམས་ས་གནས་སམ། ས་གནས་ཚོ་ཁག་གང་དེའི་ནང་གཏན་སྡོད་བྱེད་མི་བྱུང་ན་དང༌། དེ་མིན་གང་འོས་ཀྱི་ཁོངས་ནས་ཁ་མཆུ་གང་དེར་འབྲེལ་བ་དང་ཕྱོགས་ཞེན་མེད་ཅིང་སྤྱིར་བཏང་གྱོད་གཞིའི་དོན་གནད་ཐོག་ཉམས་མྱོང་ཡོད་པའི་གཟུ་དཔང་གྲངས་མང་མཐར་དགུ་བར་ཆེས་མཐོའི་ཁྲིམས་ཞིབ་ཁང་ནས་གྱོད་གཞི་གང་དེར་འཕྲལ་སེལ་དགོས་མཁོའི་དུས་ཡུན་རིང་བསྐོ་འཛུགས་ཆོག་པ་ཡིན། ས་གནས་ཁྲིམས་ཞིབ་ཁང་གི་ཁྲིམས་ཁོངས་ཁྱབ་ཚད། ༡) བཙན་བྱོལ་བོད་མིའི་བཅའ་ཁྲིམས་དང༌། ཁྲིམས་ཡིག ཆབ་སྲིད་དབང་འཛིན་གྱི་བཀའ། སྒྲིག་གཞི་བཅས་གང་རུང་གི་ཚིག་དོན་འགྲེལ་བརྗོད་བྱེད་ཕྱོགས་དང་འབྲེལ་བའི་རྩོད་གླེང༌། ༢) བཙན་བྱོལ་བོད་མིའི་བཅའ་ཁྲིམས་དགོངས་དོན་བོད་ཀྱི་ཡུལ་མིའི་གཞི་རྩའི་ཐོབ་ཐང་དང༌། ལས་འགན་ལ་གནོད་འགལ་དང་འབྲེལ་བའི་རྩོད་གླེང༌། ༣) བོད་མིའི་སྒྲིག་འཛུགས་མ་ལག་གི་ལས་བྱེད་པའི་ཁེ་ཕན་རྗེས་འབྲེལ་གྱི་རྩོད་གླེང༌། ༤) བོད་མིའི་སྒྲིག་འཛུགས་མ་ལག་གང་རུང་དང༌། དེ་དག་གི་ལས་བྱེད་པ་ཆེ་ཕྲའི་གཞུང་འབྲེལ་ལས་དོན་བྱེད་ཕྱོགས་དང་འབྲེལ་བའི་རྩོད་གླེང༌། ༥) བོད་མིའི་སྒྲིག་འཛུགས་མ་ལག་གང་རུང་ནས་གོ་སྒྲིག་བྱས་པའི་སྡོད་སྒར་ཁག་གི་ས་ཁང་སྐོར་གྱི་རྩོད་གླེང༌། ༦) བོད་མི་སྒེར་ཕན་ཚུན་དབར་གྱི་རྩོད་གླེང༌། ༧) བོད་མི་སྤྱི་སྒེར་དབར་གྱི་རྩོད་གླེང༌། ༨) བོད་མིའི་སྤྱི་ཚོགས་ཀྱི་བདེ་འཇགས་དང་འབྲེལ་བའི་རྩོད་གླེང༌། ༩) གཞན་ཡང་བོད་མིའི་ཁྲིམས་སྒྲིག་ཁག་ནང་གསལ་ཁ་མེད་པ་དང༌། བཙན་བྱོལ་དུ་གནས་ཡུལ་རྒྱལ་ཁབ་གང་དེའི་ཁྲིམས་དབང་ཐོག་ནས་ཁས་ལེན་ཡོད་པའམ་དགག་ཆ་མེད་པའི་རིགས། ས་གནས་ཁྲིམས་ཞིབ་པ། […]

Read More

སྐད་ཡིག་དང་ཆས་གོས།

༡) བོད་མིའི་ཁྲིམས་ཞིབ་ཁང་གི་སྐད་ཡིག་ནི་བོད་སྐད་དང༌། བོད་ཡིག་ཡིན། ༢) དཔང་རྟགས་ཀྱིས་མཚོན་ཐོག་མ་ཉིད་ནས་སྐད་ཡིག་གཞན་ནང་ཡོད་པ་ཕུད། དེ་མིན་ཡིག་ཆ་ཁག་བོད་ཡིག་ནང་དགོས་པ་ཡིན། ༣) ཁྲིམས་ཞིབ་ཁང་གི་རྩ་འཛིན་ཁྲིམས་ཡིག་དང༌། འགྲོ་ལུགས། སྒྲིག་གཞི་བཅས་སྐད་ཡིག་གཞན་ཐོག་གཞུང་འབྲེལ་ཕབ་སྒྱུར་བྱས་པའི་ཚིག་དོན་འགྲེལ་བརྗོད་བྱེད་ཕྱོགས་ལ་རྩོད་གླེང་བྱུང་ཚེ་བོད་ཡིག་ཐོག་བྲིས་པའི་ཡིག་གཞིར་རྩ་འཛིན་བྱ་རྒྱུ། ༤) ཁྲིམས་དུས་ཚུགས་སྐབས་ཁྲིམས་ཞིབ་ཁང་ནང་ཁྲིམས་ཞིབ་པ་དང༌། བཤེར་དཔང༌། ཁྲིམས་དྲུང༌། ཁྲིམས་རྩོད་པ་བཅས་ནས་རང་ལུགས་བོད་ཆས་གྱོན་དགོས་རྒྱུ། །

Read More

འགན་དབང་།

༡) བཙན་བྱོལ་བོད་མི་སྤྱི་སྒེར་ཡོངས་ཀྱི་གྱོད་གཏུག་གོང་ཞུ་བྱ་ཡུལ་མཐར་ཐུག་གི་ཁྲིམས་ཞིབ་ཁང་དང༌། བོད་མིའི་ཁྲིམས་དང་ལམ་སྲོལ་རྣམ་པ་འདྲ་མིན་གྱི་ཁྲིམས་ཞིབ་སྟངས་འཛིན་བཀོད་ཁྱབ་ལག་བསྟར་བཅས་བྱ་རྒྱུའི་འགན་དབང་ཡོད་པའི་བོད་མིའི་སྒྲིག་འཛུགས་ཀྱི་ཁྲིམས་འཛིན་གོང་ན་མེད་པ་དེ་ཡིན། ༢) ཁྲིམས་ཞིབ་ཁང་ནང་དུ་གཏུག་བཤེར་གྱི་བྱ་རིམ་གང་བྱུང་བ་རྣམས་ཡིག་ཐོག་གམ། སྒྲ་འཛིན་འཕྲུལ་ཆས་གང་རུང་ཐོག་གཏན་འཇགས་སུ་རྩ་འཛིན་ཉར་འཇོག་བྱེད་པའི་ཆེས་མཐོའི་ཁྲིམས་ཞིབ་ཁང་ཡིན། ༣) བཙན་བྱོལ་བོད་མིའི་ཁྲིམས་དང་ལམ་སྲོལ་གྱི་ཁྲིམས་རྩོད་པ་དང་ལས་བྱེད་པའི་བླང་དོར་སྒྲིག་གཞི། ཁྲིམས་ཞིབ་ཁང་འོག་མ་ཁག་གི་སྒྲིག་གཞི་དང་ལམ་སྟོན་ཇི་དགོས་སྐབས་བསྟུན་བཟོ་འགོད་ཀྱིས་ལག་བསྟར་བྱས་ན་འཐུས་རྒྱུ། ༤) བཙན་བྱོལ་བོད་མིའི་བཅའ་ཁྲིམས་དང༌། སྤྱི་འཐུས་ལྷན་ཚོགས་ནས་གཏན་ལ་ཕབ་པའི་ཁྲིམས་ལུགས་ཁག་གཞིར་བཟུང་ཁྲིམས་ཞིབ་ཁང་གི་རྩ་འཛིན་ཁྲིམས་ཡིག་དང༌། འགྲོ་ལུགས། སྒྲིག་གཞི་བཅས་བཟོ་འགོད་དང་འབྲེལ་གཏན་འབེབས་བྱུང་མཚམས་ནས་ལག་ལེན་བསྟར་རྒྱུའི་དབང་ཆ་ཡོད། ༥) ཆེས་མཐོའི་ཁྲིམས་ཞིབ་ཁང་ནས་གཏན་འཇགས་སམ་འཕྲལ་སེལ་གང་རུང་གི་ཁྲིམས་ཞིབ་ཁང་འོག་མ་ཁག་གསར་འཛུགས་དང༌། ཕྱིར་བསྡུ་བྱ་རྒྱུའི་འགན་དབང་ཡོད། ༦) ཁྲིམས་ཞིབ་ཁང་འོག་མ་རྣམས་དང༌། ཁྲིམས་དོན་དང་འབྲེལ་བའི་ལས་ཁུངས་ཁག་གི་ལས་དོན་བྱེད་ཕྱོགས་དང༌། འཛིན་སྐྱོང་གི་བྱ་བར་ཞིབ་འཇུག་ལམ་སྟོན་དང་སྟངས་འཛིན་བྱ་རྒྱུའི་དབང་ཆ་ཡོད། ༧) གཞན་ཡང་རང་རེའི་གནས་བབས་ལ་བསྟུན་ཏེ་ཁྲིམས་ཞིབ་བྱེད་འོས་པའམ། རང་རེས་ཁྲིམས་ཞིབ་བྱ་རྒྱུར་གནས་ཡུལ་རྒྱལ་ཁབ་ཀྱི་ཁྲིམས་དབང་ཐོག་ནས་དགག་པ་མེད་པའི་སྤྱི་སྒེར་གྱི་རྩོད་གཞི་ཁག་བཅས་ལ་ཆེས་མཐོའི་ཁྲིམས་ཞིབ་ཁང་ནས་བོད་མིའི་ཁྲིམས་དང༌། ལམ་སྲོལ་རྣམ་པ་འདྲ་མིན་གྱི་ཁྲིམས་ཞིབ་དང༌། བཀོད་ཁྱབ་བྱ་རྒྱུ་བཅས་ཀྱིས་མཚོན་གཟུ་གཅོད་བྱ་རྒྱུའི་འགན་དབང་ཡོད། ༨) བོད་ཀྱི་ཡུལ་མིའི་གཞི་རྩའི་རང་དབང་དང་ཐོབ་ཐང་ཁག་སྲུང་སྐྱོབ་ཆེད་དགོས་ངེས་ཀྱི་བཀོད་འདོམས་བྱ་རྒྱུའི་དབང་ཆ་ཡོད། ༩) བོད་མིའི་སྒྲིག་འཛུགས་ཀྱི་མང་གཙོའི་ཀ་བ་གསུམ་གྱི་མཛད་གཙོ་རྣམ་པ་དང་། རང་དབང་ལྡན་པའི་སྡེ་ཚན་གསུམ་གྱི་འགན་འཛིན་རྣམ་པ་ལས་ཁུར་དུ་མ་ཞུགས་གོང་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་འམ། ལས་ཚབ་ཀྱི་མདུན་སར་ལས་ཁུར་དམ་འབུལ་ཞུ་དགོས་པ་དང་། ས་གནས་འཐུས་ཚོགས་ཀྱི་འཐུས་མི་རྣམ་པ་དང་། ཚོགས་གཙོ་ཚོགས་གཞོན་ནས་ས་གནས་ཁྲིམས་ཞིབ་པའི་མདུན་དུ་ལས་ཁུར་དམ་འབུལ་ཞུ་དགོས།

Read More