ཁྲིམས་ལུགས་དབང་འཛིན་གྱི་རྩ་འཛིན་ཁྲིམས་ཡིག

ཁྲིམས་ཡིག་འདིར་ལེའུ་ ༩ དང་༌།  ནང་གསེས་དོན་ཚན་ ༨༣ ། ཟུར་སྣོན་ཡིག་ཆ་ ༥ བཅས་ཡོད་པ་དང་༌།  ཁྲིམས་ཡིག་འདིའི་དོན་ཚན་ཁག་གི་ནང་དོན་གཙོ་བོ་ནི་ཁྲིམས་ཡིག་གི་ཁྱབ་ཚད།  ཆེས་མཐོའི་ཁྲིམས་ཞིབ་ཁང་དང་༌། ཁྲིམས་ཞིབ་ཁང་འོག་མ་ཁག་གི་ངོ་བོ་དང་༌། གྲུབ་ཆ། འགན་དབང་༌། ཁྲིམས་ཁོངས་ཁྱབ་ཚད། ཁྲིམས་ཞིབ་པའི་ཐོབ་ཐང་༌།  འཛིན་སྐྱོང་། ཁྲིམས་ཞིབ་ཁང་གོང་འོག་གི་ལས་བྱེད་བསྐོ་གཞག་བཀོད་སྒྲིག་དང་དེ་དག་གི་བླང་དོར་ཐོབ་ཐང་། ཁྲིམས་འཛིན་ཡར་རྒྱས་ཁང་༌། གཏུག་བཤེར་བྱ་རིམ།  སྣ་ཚོགས། ཁྲིམས་ཡིག་བསྐྱར་བཅོས་ཀྱི་ཆ་རྐྱེན་བཅས་ཀྱི་གནད་དོན་ཞིབ་ཕྲ་འཁོད་ཡོད་པ་དང་། ཁྲིམས་ཡིག་འདིར་ཕྱི་ལོ་ ༢༠༢༡ ཟླ་ ༡༡ ཚེས་ ༠༢ བར་བསྐྱར་བཅོས་ཐེངས་ ༩ གནང་ཡོད། ༼བཅའ་ཁྲིམས་དོན་ཚན་ ༦༧ པ་སྐབས་ ༡༦ པའི་གྲོས་ཚོགས་ཚོགས་དུས་ ༡༠ པ་ཐོག་བསྐྱར་བཅོས་མཛད་པ་ལྟར། སྤྱི་འཐུས་ལྷན་ཚོགས་སུ་བཀའ་འཁྲོལ་ཆེད་ཕུལ་ཡོད།༽