སྤྱི་མང་གཏུག་བཤེར་འགྲོ་ལུགས་རྩ་འཛིན་ཁྲིམས་ཡིག

ཁྲིམས་ཡིག་འདིའི་ནང་ལེའུ་ ༡༥ དང༌་། ནང་གསེས་དོན་ཚན་ ༨༩ ། ཟུར་སྣོན་ཡིག་ཆ་ ༢༢ བཅས་ཡོད་པ་དང་༌། ཁྲིམས་ཡིག་འདིའི་དོན་ཚན་ཁག་གི་ནང་དོན་གཙོ་བོ་ནི་ཁྲིམས་ཡིག་གི་ཁྱབ་ཚད་དང་༌། ཁྲིམས་ཞིབ་ཁང་གོང་འོག་སོ་སོའི་ཁྲིམས་ཁོངས་ཁྱབ་ཚད། ཁ་མཆུའི་འགྲོ་གྲོན། གྱོད་ཡ་ཉམ་ཐག་ལ་མཐུན་རྐྱེན། གྱོད་ཡ་དོ་བདག་གི་ཞུ་སྒོ་ཁག་དང་༌། གྱོད་ཡའི་འཐུས་མི་དང་། གྱོད་ཡའི་ངོ་ཚབ། ཁྲིམས་རྩོད་པ་བསྐོ་གཞག་བཅས་ཀྱི་སྐོར། ཁ་མཆུ་ཞུ་གཏུག་གི་སྙན་ཞུ་དང་བརྡ་སྦྱོར། ཁ་མཆུ་ཉན་ཞིབ་དང་ཞིབ་གཅོད། ཁ་མཆུ་ཐག་གཅོད་ཀྱི་བཅད་ཁྲ། གོང་ཞུ། བསྐྱར་ཞིབ་དང༌། དོགས་གཅོད། བཟོ་བཅོས། ཁ་མཆུ་བྱེ་བྲག་པ། སྣ་ཚོགས། ཁྲིམས་ཞིབ་ཁང་ལ་ཁྱད་གསོད། རང་ཆས་སུ་ཡོད་པའི་དབང་ཆ། བསྐྱར་བཅོས་བཅས་ཁ་མཆུ་ཞུ་གཏུག་སྐབས་ཀྱི་བྱ་རིམ་ཞིབ་ཕྲ་འཁོད་ཡོད་པ་དང་། ཁྲིམས་ཡིག་འདིར་ཕྱི་ལོ་ ༢༠༢༡ ཟླ་ ༡༡ ཚེས་ ༢ བར་བསྐྱར་བཅོས་ཐེངས་ ༦ གནང་ཡོད། ༼བཅའ་ཁྲིམས་དོན་ཚན་ ༦༧ པ་སྐབས་ ༡༦ པའི་གྲོས་ཚོགས་ཚོགས་དུས་ ༡༠ པ་ཐོག་བསྐྱར་བཅོས་མཛད་པ་ལྟར། སྤྱི་འཐུས་ལྷན་ཚོགས་སུ་བཀའ་འཁྲོལ་ཆེད་ཕུལ་ཡོད།༽